20:47 / 22.05.2020
20054
Ўзбекистонда коронавирусдан тузалганлар сони 2500га яқинлашди

Соғлиқни сақлаш вазирлиги Наманган, Андижон ва Самарқандда жами 29 бемор коронавирусдан тузалгани тўғрисида хабар берди.

«Бугун Наманган вилоятида яна 9, Андижон вилоятида 4, Самарқанд вилоятида 16, жами 29 нафар коронавирус инфекциясига чалинган бемор тузалди ва реабилитацияга кузатилди.

Шундай қилиб Наманган вилоятида коронавирусдан фориғ бўлганлар сони 233, Андижон вилоятида 167, Самарқанд вилоятида эса 218 нафарга етди», дейилади Соғлиқни сақлаш вазирлиги Жамоатчилик билан алоқалар бўлими хабарида.

Бундан аввалроқ Наманганда 5, Самарқандда 24, Бухорода 2, Тошкентда 25, жами 56 бемор тузалгани хабар қилинганди. Хусусан, Бухоро вилояти коронавирусдан холи ҳудудга айланган.

Бугун Ўзбекистонда жами 85 бемор тузалиб, реабилитацияга кузатилди. Айни пайтда мамлакатда коронавирус инфекциясидан бутунлай соғайганлар сони 2492 нафарни ташкил этмоқда. Шифохоналарда 523 бемор даволанмоқда.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top