00:45 / 25.05.2020
22464
Трамп Путин унинг қайта сайланишини истамаслигини айтди
Фото: EPA

АҚШ президенти Дональд Трампнинг фикрича, россиялик ҳамкасби Владимир Путин у билан яхши муносабатларга қарамай, унинг иккинчи муддатга Оқ уй раҳбари этиб сайланишини истамаяпти. 

Трамп тележурналист Шэрил Атткиссонга берган интервьюсида ноябрда ўтадиган президент сайловлари бўйича рақиби Жо Байденни муҳокама қилиш вақтида Россия мавзусига тўхталиб ўтган. Унинг айтишича, бўлғуси президент Хитой ва Россия билан муаммоларни ҳал қилишига тўғри келади.

“Мен Россия билан юз берган энг ёмон нарсаман ва Путин буни тушунади”, деб айтган АҚШ президенти. 

Унинг маълум қилишича, у Путин билан яхши муносабатда, бироқ унинг фикрича, россиялик ҳамкасби унинг қайта сайланишини истамайди.

“Сизга ҳозир очиқча айтишим мумкин. Фикримча, мен унга ёқаман, бироқ у ғалабамни истамаётганига ишончим комил. Хитой ҳам менинг ғалабамни истамаяпти!”, деб таъкидлаб ўтган Трамп.

Дональд Трамп ундан аввалги бирорта президент Россияга қарши ундан кўра қатъий сиёсат юргазмаганини бир неча бор такрорлаб ўтган. Жумладан, Трамп ҳокимияти вақтида АҚШ Россияга қарши бир нечта санкциялар пакети киритди. 

Top