20:00 / 28.05.2020
8196
Бугун жами 26 бемор тузалди

Соғлиқни сақлаш вазирлиги Андижон ва Самарқандда 9 нафар бемор коронавирусдан тузалиб, жами соғайганлар сони 2700 нафарга яқинлашгани тўғрисида хабар берди.

Андижон вилояти юқумли касалликлар шифохонасида 5 нафар, Самарқанд вилояти юқумли касалликлар шифохонасида 4 нафар, жами 9 нафар коронавирус инфекциясига чалинган беморлар бутунлай соғайиб, реабилитацияга кузатилди.

Андижон вилоятида тузалганларнинг барчаси Андижон шаҳридан бўлиб, 2 нафари эркак, 3 нафари аёл. Уларнинг ёши каттаси 36 ёшда бўлса, ёши кичиги 2019 йилда туғилган чақалоқ. Вилоятда айни пайтга қадар 169 нафар бемор соғайган бўлса, эндиликда уларнинг сони 174 нафарга етди. 

Самарқанд вилоятида шифо топганларнинг барчаси ушбу вилоятдан (Паст Дарғом, Иштихон, Оқдарё туманлари ва Самарқанд шаҳридан 1 нафардан) бўлиб, 2 нафари эркак, 2 нафар аёл. Улар орасида ёши каттаси 46 ёшда, ёши кичига 36 ёшда. Вилоятда айни пайтга қадар 254 нафар бемор соғайган бўлса, эндиликда уларнинг сони 258 нафарни ташкил этмоқда.

Бугун ҳозирча 74та янги зарарланиш ҳолати қайд этилди ва жами ҳолатлар сони 3437тага етган.

Бундан аввалроқ Тошкент шаҳридаги тиббиёт муассасаларида жами 17 бемор тузалгани ҳақида маълумот берилганди.

Шундай қилиб, бугун жами 26 нафар бемор тузалиб, мамлакат бўйлаб коронавирус инфекциясидан бутунлай соғайганлар сони 2694 нафарга етди. Айни вақтда шифохоналарда 729 бемор даволанмоқда. Улардан 1 нафари ўта оғир аҳволда, 3 нафари эса оғир аҳволда.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top