Qoʻshimcha funksionallar
-
Tungi ko‘rinish
AQSh Xitoy bilan ziddiyat sababli Hongkongdagi ko‘chmas mulkini sotmoqda
AQSh hukumati Xitoy bilan kuchayib borayotgan ziddiyat sababli Hongkongdagi qimmatbaho ko‘chmas mulkini sotmoqda. Bu haqda AQSh davlat departamentidagi manbaga tayanib Bloomberg axborot agentligi xabar berdi.
Foto: REUTERS/Jorge Silva
Ta'kidlanishicha, Hongkongda AQShga tegishli bir nechta uy sotuvga qo‘yilgan. Ularning umumiy qiymati 1,3 mlrd dollarga baholanmoqda. Gap Shouson-Xill tumanidagi bir nechta hashamatli uy haqida bormoqda. AQSh bu ko‘chmas mulkni 1948 yilda sotib olgan.
Avvalroq Xitoy hukumati Hongkong uchun milliy xavfsizlik haqidagi qonun loyihasi bo‘yicha rezolyutsiyani qabul qilgandi. Shundan keyin Pekin va Vashington o‘rtasidagi munosabatlarda yana taranglik yuzaga kelgan. Hujjat uchinchi kuchlarning Hongkong ichki ishlariga aralashuvini taqiqlaydi. Tramp ushbu harakatlarni Hongkong maqomini pasaytirish deb atagan va buning uchun Xitoyga sanksiyalar qo‘llash bilan tahdid qilgan.
Shuningdek, hujjat qabul qilinishi Hongkongda noroziliklarga olib kelgan, yuzlab odamlar hibsga olingan.
Tramp 29 may kuni Hongkong uchun barcha savdo imtiyozlari bekor qilinishi, ekstraditsiya haqidagi kelishuvlar, AQSh fuqarolarining Hongkongga kirishi bo‘yicha tavsiyalar va bojxona imtiyozlari qayta ko‘rib chiqilishini ma'lum qilgan.
Mavzuga oid
23:20 / 13.11.2024
Polshada AQShning raketaga qarshi mudofaa bazasi ochildi
22:44 / 13.11.2024
Tramp ma’muriyatida Ukraina bo‘yicha maxsus vakil bo‘ladi - OAV
22:14 / 13.11.2024
Tramp lavozim taqsimlamoqda: Pentagon jurnalistga, Maskka yangi departament
15:44 / 13.11.2024