AQShda Xitoy koronavirusdan vaksina ishlab chiqilishiga xalaqit qilayotganlikda ayblandi

Xitoy G‘arb davlatlari tomonidan koronavirusdan vaksina ishlab chiqilishiga xalaqit qilishga urinmoqda. Bunday fikrni amerikalik respublikachi-senator Rik Skott “Endryu Marr shousi” dasturida bildirdi.

“Biz bu vaksinani yaratishimiz lozim. Afsuski, bizda kommunistik Xitoy vaksina ishlab chiqishda bizga qarshilik qilayotgani yoki uni sekinlashtirishga urinayotganining isbotlari bor”, deb aytgan senator.

Skottning ta'kidlashicha, Xitoy AQSh yoki Yevropa vaksinani birinchi bo‘lib ishlab chiqishini istamayapti. Uning aytishicha, unda bu borada razvedkadagi manbalardan olingan ma'lumot bor. Biroq siyosatchi tafsitlotlarni ochiqlab o‘tirmagan.