Saudiya Arabistonida koronavirusdan rekord sonda kunlik zararlanish qayd etildi

Saudiya Arabistoni sog‘liqni saqlash vazirligining xabar berishicha, shundan keyin kasallanganlar umumiy soni 105283 nafarga yetgan. Shu bilan birga, bemorlarning 74524 nafari (umumiy kasallanganlardan 70,7 foizi) sog‘ayib ketgan. Shuningdek, 746 ta o‘lim holati qayd etilgan.

26 mayda Saudiya Arabistonida koronavirus sababli kiritilgan cheklovlar yumshatilishi e'lon qilingan. Jumladan, 31 maydan komendantlik soati soat 6dan 20gacha oraliqda bekor qilingan. Fuqarolarga hududlararo mashinalarda harakatlanishga ruxsat berilgan, do‘konlar va savdo markazlari ochilgan. Shuningdek, Makkadan tashqari, butun mamlakat bo‘ylab juma namozlari ado etish uchun masjidlar ochilgan. 20 iyungacha davlat muassasalari hamda xususiy korxonalar faoliyatini tiklash rejalashtirilgan.

Shu bilan birga 5 iyundan mamlakatning yirikligi bo‘yicha 2-raqamli shahri – Jiddada kasallanish holatlari ko‘paygani sababli komendantlik soati yana uzaytirildi. Shahar aholisiga ko‘chaga soat 6dan 15gacha chiqish mumkin, qolgan vaqt komendantlik soati amal qiladi. Bundan tashqari, shahardagi davlat muassasalari va masjidlar yana yopilgan.