Markaziy bank Boshqaruvi asosiy stavkani yillik 15 foiz darajasida o‘zgarishsiz saqlab qoldi.
MB xabarida aytilishcha, ushbu qaror inflatsiya prognozining barqaror pasayish trendi shakllanib borayotganligi hamda iqtisodiyotning tiklanish sharoitida makroiqtisodiy barqarorlikni ta'minlash va iqtisodiy faollikni qo‘llab-quvvatlash maqsadlari o‘rtasidagi muvozanatni saqlash bilan izohlanadi.
“Markaziy bank inflatsiya prognozining pasayishidan kelib chiqqan holda, keyingi yig‘ilishlarda asosiy stavka darajasini pasaytirish ehtimolini ko‘rib chiqmoqda”, - deyiladi ma'lumotda.
Qayd etilishicha, kelgusida ham hukumat bilan birgalikda 2023 yilga qadar inflatsiyaning 5 foizlik doimiy maqsadli ko‘rsatkichiga erishish uchun choralar ko‘riladi.