Qoʻshimcha funksionallar
-
Tungi ko‘rinish
Samarqandda giyohvandlik o‘simligini keyinchalik o‘tkazish maqsadida parvarishlagan shaxsga nisbatan jinoyat ishi qo‘zg‘atildi
Holat yuzasidan Jinoyat kodeksining 270-moddasi 1-qismi va 25,273-moddasi 5-qismi bilan jinoyat ishi qo‘zg‘atilgan.
2020 yilning 8 iyun kuni soat 10:45da Samarqand viloyati Past Darg‘om tumani IIB xodimlari tomonidan “Qoradori-2020” maxsus tadbiri o‘tkazilgan. Bu haqda O‘zbekiston Respublikasi IIV huzuridagi Tergov departamenti xabar bermoqda.
Tadbir davomida, Past Darg‘om tumani “O‘tarchi” MFYda yashovchi 51 yoshli Z.E. uyining tomorqasida jami 26 tup ko‘p miqdordagi “kannabis” giyohvandlik o‘simligini kelgusida o‘tkazish maqsadida ekib, parvarishlab kelayotganligi aniqlanib, ushbu o‘simliklar ashyoviy dalil tariqasida olingan.
Mazkur holat yuzasidan Past Darg‘om tumani IIB huzuridagi Tergov bo‘limi tomonidan O‘zbekiston Respublikasi JKning 270-moddasi 1-qismi (Taqiqlangan ekinlarni yetishtirish) va 25,273-moddasi 5-qismi (Giyohvandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotishga suiqasd) bilan jinoyat ishi qo‘zg‘atilgan.
Jinoyat ishi bo‘yicha Z.E. gumon qilinuvchi tariqasida jalb qilinib protsessual tartibda ushlangan. Dastlabki tergov harakatlari davom etmoqda.
Mavzuga oid
17:31 / 12.06.2026
Giyohvandlik vositalari bilan bog‘liq jinoyatlar uchun javobgarlik kuchaytirildi
10:57 / 12.06.2026
Toshkentda 34 kilogrammdan ziyod narkotik moddalar musodara qilindi
20:09 / 11.06.2026
Jinoyat kodeksiga aholi salomatligi va genofondiga qarshi jinoyatlar bobi kiritiladi
23:36 / 29.04.2026