20:24 / 13.06.2020
11978
SpaceX орбитага яна 58та Starlink интернет-сунъий йўлдошларини олиб чиқди

Илон Маск компанияси ер юзининг исталган нуқтасидаги аҳолини интернет билан таъминлайдиган глобал тармоқ яратишни режалаштирган. 

Фото: SpaceX

Американинг SpaceX технологик компанияси орбитага интернет-сунъий йўлдошларини олиб чиқиш муваффақиятли амалга оширилганини маълум қилди

13 июнь куни Falcon 9 ракета ташувчи 58та Starlink сунъий йўлдоши ва учта SkySat қурилмасини орбитага олиб чиқди.

Ушбу парвоз ҳисоб бўйича тўққизинчиси бўлди. Эндиликда орбитадаги интернет тарқатишга мўлжалланган Starlink сунъий йўлдошлари сони 538тага етди. 

Илон Маск компанияси ер юзи аҳолисини интернет билан таъминлайдиган глобал тармоқ яратишни режалаштирган. 

SpaceX компаниясидан ташқари, OneWeb, Telesat, LeoSat ва Amazon компаниялари ҳам бутун инсониятни интернет билан таъминлайдиган глобал тармоқ яратиш устида иш олиб бормоқда.

Top