Toshkentda yana bir yo‘l vaqtincha yopiladi

Toshkent shahrining Mirzo Ulug‘bek tumanidagi Buyuk Ipak Yo‘li ko‘chasining Shukur Burxonov ko‘chasidan Salom ko‘chasigacha bo‘lgan qismida yo‘lning bir tomoni qisman yopiladi.

Poytaxt hokimligi xabariga ko‘ra, 13 iyundan boshlab yuqorida ko‘rsatilgan yo‘lning bir tomonida ta'mirlash ishlari amalga oshiriladi.

Mazkur yo‘ldan harakatlanuvchi haydovchilarga ma'lum muddat aylanma yo‘llardan yurish tavsiya etilgan.

“Keltirilgan noqulayliklar uchun uzr so‘raymiz”, - deyiladi ma'lumotda.