Ногиронлиги борлар учун кириш имтиҳонларидаги қулайликлар ҳақида маълумот берилди
Давлат тест маркази кириш имтиҳонлари жараёнида ногиронлиги мавжуд бўлган шахслар учун бериладиган қулайликлар ҳақида маълумот берди.
«Ногиронлиги бўлган шахсларнинг тест жараёнларида иштирокини таъминлаш учун барча шароитлар қилиб берилади. Агар абитуриент ҳамроҳи билан келадиган бўлса, ҳамроҳи билан бирга ҳаракатланиши учун имкон берилади. Ҳамроҳсиз келадиган, ногиронлиги бўлган абитуриентларга эса имтиҳон олинаётган жойда бўлиб турган кузатувчилар ва Давлат тест маркази ходимлари керакли ёрдамни кўрсатишади», дея Давлат тест маркази бошқарма бошлғи Фарҳод Мирзаевнинг сўзларини келтирмоқда Kun.uz мухбири.
Қайд этилишича, 2020 йилги кириш имтиҳонларида ногиронлиги бўлган шахсларга грант асосида алоҳида имтиёзли квоталар ажратилган.
Эслатиб ўтамиз, 2020-2021 ўқув йили учун кириш имтиҳонларида имтиёзлар 7 тоифадаги ёшлар учун имтиёзлар берилиши айтилган эди.
Мавзу
Абитуриент-2020
Барчаси
20 июнь куни ОТМларга ҳужжат қабул қилиш бошланди. Имтиҳонлар 1 август куни бошланиши режалаштирилмоқда.
Мавзуга оид
