21:33 / 29.06.2020
2063
Туркия парламентининг 3 депутати коронавирусга чалинди 

Туркия парламентида Халқлар демократик партияси вакиллари бўлган 3 депутатнинг коронавирус таҳлили натижалари мусбат чиқди.

Фото: AFP

Turkish Minute нашри хабарига кўра, депутатлар парламентдаги фаррошлардан бирида ўтган ҳафта коронавирус аниқлангандан кейин парламентнинг бошқа аъзолари билан бирга тест топширган.  

Вирусга чалинган депутатларнинг исмлари ошкор қилинмаган. Шуниси маълумки, уларнинг барчаси тиббий назорат остига олинган ва оғир аломатларга эга эмас.

Охирги маълумотларга кўра, Туркияда коронавирусга чалинганлар сони 200 мингдан, вафот этганлар сони 5 мингдан кўпроқни ташкил қилмоқда.  

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top