Bu yo‘llar, abgor yo‘llar... Xorazmdagi yo‘l qachon ta'mirlanadi?

Xizmat safari bilan Xorazm viloyatida bo‘lgan Kun.uz tasvirga olish guruhi Qo‘shko‘pir tumanidan tushgan murojaatlarni o‘rganish chog‘ida tumanning Xonobod qishlog‘iga olib boruvchi yo‘ldagi holatga guvoh bo‘ldi.

Olingan tasvirlardan ham ko‘rish mumkinki, Qo‘shko‘pir tumanining aholi zich joylashgan aholi punktlariga olib boruvchi serqatnov yo‘l juda abgor holatda. Bir necha kilometrga cho‘zilgan yo‘l o‘n yillar ichida ta'mirlanmagani yaqqol ko‘rinib turibdi.

Transport vositalari haydovchilari yo‘l chetiga chiqib harakatlanishga majbur bo‘lishmoqda.

Bu esa yo‘l harakatining boshqa ishtirokchilari hayotiga xavf tug‘dirmoqda. Mahalliy aholi mutasaddilarning muammoga e'tibor qaratishidan umidvor.