«50 kvadrat metrgacha bo‘lgan joyda 5 nafardan ko‘p xodim ishlashi taqiqlanadi» – Pandemiya davrida ishni qanday tashkil etish kerak?

Yangilangan sanitariya qoidalariga ko‘ra xodimlarning ijtimoiy masofaga mosligini ta'minlash uchun bir vaqtning o‘zida bitta xonada bo‘lish mumkin bo‘lgan xodimlar soni xonaning hajmidan kelib chiqib aniqlanadi. Unga ko‘ra:

– 50 kvadrat metrgacha - 5 kishidan oshmasligi kerak;

– 100 kvadrat metrgacha - 10 kishidan ko‘p bo‘lmagan;

– 200 kvadrat metrgacha - 25 kishidan oshmaydi;

– 200 kvadrat.metrdan ortiq - 50 kishidan oshmaydi. 4.7. Ishchilar quyidagilarga rioya qilishlari kerak:

– JSST tavsiyalari asosida qo‘llar gigiyenasiga amal qilish – qo‘llarni kamida 20 soniya davomida sovun va suv bilan yuvish;

– spirtga asoslangan qo‘l sanitariya vositalarini tez-tez ishlatish;

– nafas olish gigiyenasi (yo‘talayotganda yoki aksirganda og‘zingiz va burningizni dastro‘molcha yoki bukilgan tirsak bilan yoping, ishlatilgan salfetkani tashlang va qo‘lingizni yuving);

– yo‘talish va aksirish kabi nafas olish kasalligi alomatlari bo‘lgan har bir kishi bilan yaqin aloqadan saqlaning;

– qo‘lqoplardan foydalanish qoidalariga rioya qiling.

Xodimlar (ishchilar) tomonidan ishlatiladigan qo‘lqoplarni tez-tez almashtirish kerak, qo‘llarni qo‘lqoplar almashtirishda va ularni yechgandan keyin yuvish kerak (qo‘lqop kiyib yurish davomida qo‘llarning yuzasida bakteriyalar to‘planishi mumkin).

Xodimlar (ishchilar) qo‘lqop kiygan holda og‘iz va ko‘zlarga tegmasliklari kerak. Qo‘llarni tozalash vositalarini qo‘shimcha choralar sifatida ishlatish kerak, ammo qo‘llarni yuvish o‘rnini bosmasligi kerak. Agar ma'muriyat mehnat jarayonini vaxta tartibida tashkil etsa, ishchilarni yashash joylari maxsus moslashtirilmagan sanitariya-maishiy yoki boshqa binolarga joylashtirilishi qat'iyan man etiladi.

Ish beruvchi barcha ishchilarni bir smenada (14 kundan ortiq bo‘lmagan) turar joyni ushbu maqsad uchun mo‘ljallangan joyda (yotoqxona, maxsus jihozlangan vagon yoki ijaraga olingan mehmonxonalar, yotoqxonalar yaqinida ijaraga berish va hokazo, ijtimoiy masofa qoidalariga binoan) tashkil etadi.

Agar ishni vaxta tartibiga o‘tkazish imkoniyati bo‘lmasa, ish beruvchi ishchilarni ish joyidan yashash joyiga yetkazish va olib kelish uchun maxsus transport vositalari bilan, shaxsiy transporti bo‘lmagan odamlar muloqotini minimallashtirish uchun ish joyiga (va ishdan) maxsus transportda muayyan nuqtalardan olib ketish (tushirish) bilan ta'minlashi kerak.

Transport vositalari har bir yo‘lovchilardan to‘liq bo‘shatilganidan keyin dezinfeksiya qilinishi kerak. Navbatchilikdagi maxsus transport vositalarida, xodimlarni tashish paytida, yo‘lovchilarni shaxmat usulida va “guruh tamoyili" (sex, uchastka, smena va boshqalar) asosida joylashishini ta'minlab, ijtimoiy masofani saqlash shart. Avtobuslaridagi o‘rindiqlarni 100 foiz to‘ldirgan va turgan holda xodimlarni tashish taqiqlanadi.

Eslatib o‘tamiz, ushbu vaqtinchalik sanitariya qoida va me'yorlari COVID-19 infeksiyasi tarqalishi bo‘yicha epidemiologik vaziyatni keskinlashuvi davrida ishchi va xodimlarni salomatligini himoya qilish uchun maqbul mehnat sharoitini va mehnat jarayonini tashkil etish bilan atrof muhitni hamda mehnatni muhofaza qilishga qaratilgan profilaktik tadbirlarini amalga oshirish maqsadida ishlab chiqilgan.

Ular davlat idoralari va tashkiliy – huquqiy, mulkchilik shaklidan va idoraviy bo‘ysunuvidan qat'iy nazar boshqa tashkilotlarga qo‘yiladigan gigiyenik talablarni belgilaydi, Ushbu sanitariya qoidalari yuridik shaxs tashkil etmasdan faoliyat yurituvchi yakka tartibdagi tadbirkorlarga xam taalluqli bo‘lib, barcha tashkilotlar tomonidan bajarilishi majburiydir. Tashkilot rahbari sanitariya qoidalariga rioya etish bo‘yicha shaxsan javobgar hisoblanadi.

Sanitariya qoidalarini buzganlik O‘zbekiston Respublikasi qonunchiligida belgilangan tartibda intizomiy, ma'muriy va jinoiy javobgarlikni keltirib chiqaradi.