19:44 / 15.07.2020
31283
Тошкент шаҳри ва Тошкент вилоятидаги эпидемиологик вазият муҳокама қилинмоқда

Президент Шавкат Мирзиёев Тошкент шаҳри ва Тошкент вилоятида коронавирусга қарши курашиш масалаларига бағишланган йиғилиш ўтказмоқда.

«Айни пайтда Ўзбекистон Республикаси президенти Шавкат Мирзиёев раислигида видеоселектор йиғилиши ўтмоқда. Кун тартибида - Тошкент шаҳри ва пойтахт вилоятидаги кескин санитар-эпидемиологик вазият.  

Йиғилишга сабаб – кейинги пайтда ушбу ҳудудларда кузатилаётган коронавирус инфекциясининг янги тўлқини ва ўлим ҳолатларининг кўпайиши, шунингдек, аҳоли томонидан тиббий хизматлар тезкорлиги ва сифати ҳамда дорихоналарда тиббиёт маҳсулотлари нархининг асоссиз ошаётгани бўйича кўплаб мурожаат ва шикоятлар тушаётгани», дейилади президент матбуот хизмати хабарида.

Маълумот учун, Ўзбекистонда пандемия даврида коронавирусдан касалланиш билан боғлиқ энг кўп ҳолатлар Тошкент шаҳри ва Тошкент вилояти ҳудудида қайд этилди. 15 июль ҳолатига кўра, бу ҳудудда 10496 ҳолат қайд этилган, 5392 киши тузалиб чиққан, 43 бемор вафот этган.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top