Kamol Qilichdoro‘g‘lu 2017 yil noyabrda parlamentdagi chiqishida Erdo‘g‘an va uning oila a'zolari Britaniyaning Men orolidagi kompaniyalarga yirik miqdorda pul o‘tkazganini tasdiqlovchi hujjatlarni ko‘rsatgandi.
Turkiya sudi xalq-respublika muxolif partiyasi yetakchisi Kamol Qilichdoro‘g‘lu mamlakat prezidenti Rajab Toyyib Erdo‘g‘an va uning qarindoshlariga 369 ming lira (52 ming dollar) to‘lashi kerakligi to‘g‘risida hukm chiqardi, deb xabar berdi NTV telekanali. U mamlakat yetakchisini moliyaviy firibgarlikda ayblagandi.
Sud Qilichdoro‘g‘lu taqdim etgan hujjatlar haqiqiyligini e'tirof etdi, ammo pul o‘tkazmalari qonuniy tarzda amalga oshirilganini ta'kidladi.
Qilichdoro‘g‘lu 2017 yil noyabrda parlamentdagi chiqishida Erdo‘g‘an va uning oila a'zolari Britaniyaning Men orolidagi kompaniyalarga yirik miqdorda pul o‘tkazganini tasdiqlovchi hujjatlarni ko‘rsatgandi.
Erdo‘g‘an va uning advokatlari hujjatlarni qalbaki, Qilichdoro‘g‘luning bayonoti esa ichiqoralik ekanligini aytgan hamda uni sudga bergandi.
Prezident ma'naviy zarar uchun Qilichdoro‘g‘ludan 1,5 mln lira (300 ming dollardan ortiq) talab qilgan.
