22:13 / 16.07.2020
4148
Туркия суди мухолиф партия етакчисининг Эрдўғанга 52 минг доллар тўлаши кераклиги тўғрисида ҳукм чиқарди

Камол Қиличдорўғлу 2017 йил ноябрда парламентдаги чиқишида Эрдўған ва унинг оила аъзолари Британиянинг Мэн оролидаги компанияларга йирик миқдорда пул ўтказганини тасдиқловчи ҳужжатларни кўрсатганди. 

Туркия суди халқ-республика мухолиф партияси етакчиси Камол Қиличдорўғлу мамлакат президенти Ражаб Тоййиб Эрдўған ва унинг қариндошларига 369 минг лира (52 минг доллар) тўлаши кераклиги тўғрисида ҳукм чиқарди, деб хабар берди NTV телеканали. У мамлакат етакчисини молиявий фирибгарликда айблаганди. 

Суд Қиличдорўғлу тақдим этган ҳужжатлар ҳақиқийлигини эътироф этди, аммо пул ўтказмалари қонуний тарзда амалга оширилганини таъкидлади.

Қиличдорўғлу 2017 йил ноябрда парламентдаги чиқишида Эрдўған ва унинг оила аъзолари Британиянинг Мэн оролидаги компанияларга йирик миқдорда пул ўтказганини тасдиқловчи ҳужжатларни кўрсатганди. 

Эрдўған ва унинг адвокатлари ҳужжатларни қалбаки, Қиличдорўғлунинг баёноти эса ичиқоралик эканлигини айтган ҳамда уни судга берганди.

Президент маънавий зарар учун Қиличдорўғлудан 1,5 млн лира (300 минг доллардан ортиқ) талаб қилган.

Top