Saudiya Arabistoni podshohi shifoxonaga yotqizildi

Saudi Press Agency ma'lumotiga ko‘ra, ayni vaqtda 84 yoshda bo‘lgan podshoh tibbiy tekshiruvdan o‘tkazilmoqda.

Salmon ibn Abdulaziz 1953 yilda, 18 yoshga to‘lganida podshoh vakili va Ar-Riyod amiri etib tayinlangan. Oradan o‘n yil o‘tgach u Ar-Riyod viloyati gubernatoriga aylangan va 2011 yilga qadar ushbu lavozimda faoliyat yuritgan.

2011 yilda Salmon bin Abdulaziz Ol-Saud mudofaa vaziri lavozimiga tayinlangan, shuningdek, Milliy xavfsizlik kengashi tarkibidan o‘rin olgan. Bir yildan kamroq vaqt ichida - 2012 yilning iyunida u merosxo‘r shahzoda va bosh vazir o‘rinbosariga aylangan.

U 2015 yilning yanvarida podshoh Abdulla vafot etgach, taxtga o‘tirgandi.