Koll-markazdan aholi eşigigaça - xayriyalarni yetkazuvçi köngillilar qanday işlamoqda?

Dastlabki borgan manzilimiz – Şayxontohur tumani «Obinazar» mahallasidagi Dilnavoz Yusupova xonadoni böldi. 60-65 yoşlardagi bu onaxon 2 kun avval 1197 raqamiga qönğiroq qilib yordam söragan ekan.

«Körayotganingizdek, şaroitimiz unçalik yaxşi emas, şunga yordam söragandim. Mana, 2 kun ham bölmay yordamlar yetib keldi. Barçangizdan minnatdorman», – deya qölini duoga oçdi onaxon.

Ma'lumot uçun, Dilnavoz ayaning qöliga yetib kelgan bu bozor xaltasida 2kg kartoşka, 2 kg sabzi va şunça miqdordagi piyoz, un, şakar, guruç va 1 litr ösimlik moyi hamda 400 gramm quruq çoy mahsulotlari bor ekan.

Şu örinda xayriya mahsulotlarini aholiga yetkazib beruvçi volontyor yoşlarning mehnatini ham e'tirof etiş kerak. Aynan ular öta murakkab şaroitda va köpçilik hovlisidan taşqariga çiqişga ham qörqib turgan bir paytda yuzlab xonadonlarga kirib bormoqda.

«Volontyorlarimiz xonadonlarga borganda iloji boriça masofa saqlab, fuqarolar bilan körişmagan holda mahsulotni topşirib qaytişi kerak. Şu jarayondan keyin ularga qölini albatta dezinfeksiya mahsulotlari bilan tozalaş majburiyati tuşuntirilgan», – deydi Ziyodulla Saydullayev.

Navbatdagi manzilimiz şu tumanning «Mannon Uyğur» mahallasidagi Dilbar Abidovaning xonadoni.

«Şanba kuni telefon qilgandim, (biz Dilbar opaning xonadonida 21 iyul, seşanba kuni böldik – I.S.) Rahmat, bir urinişda boğlana oldim. Özim ikkinçi guruh nogironiman. Insult bölgandim. Barçangizga katta rahmat», – deya samimiy minnatdorçilik bildirdi Dilbar opa.

Hayriya va xomiylik mahsulotlarini tarqatiş jarayonini şu tarzda yana bir neçta xonadonga mehmon bölgan holda kuzatdik. Endi yana ma'lumotlar markaziga qaytamiz.

Bu yerdagi iş jarayoni unçalik ham oson emasligini yuqorida ta'kidladik. Ammo ma'lumotlar markazidagi iş jarayoni faqat tinimsiz qönğiroqlar ovozi yoki iş çarçoğidan iborat bölmaydi.

Yoşlarning quvnoq davrasida qiziqarli voqealar ham köp uçraydi. Masalan, Feruz Saidazimov aytişiça, bu yerda fuqarolardan eng köp qönğiroq qabul qiluvçi volontyorlar aniqlab borilar ekan. (Yoşlar şu orqali özlarini ruhlantirişsa kerak. – I.S.)

«Yaqinda bir operator qizimiz kunlik 500dan ortiq natijani qayd etdi. Bu şu paytgaça bölgan natijalar orasida rekord edi. Yoşlar işlari agentligi rahbari Alişer Sa'dullayev unga yangi telefon sovğa qildi», – deydi Feruz.

Bizning öşa «rekordçi qiz» bilan intervyu qilişga bölgan urinişimiz esa zoye ketdi. «Sababi kamtarinlik, yaxşilik qilib, uni birovga sezdirişni istamaslik», – deya izoh berdi uning şeriklari.

Aholi murojaatlariga öz vaqtida javob beriş, ularning muşkulini oson qiliş yölida yuzlab jonkuyarlar mehnat qilmoqda. Biz ularga kuç-quvvat va salomatlik tilaymiz.

Aytgança, volontyor sifatida şu kabi savobli işlarda qatnaşiş ixtiyoriy, ular qatorida esa siz ham bölişingiz mumkin.

Ilyos Safarov tayyorladi.
Tasvirçi – Otaxon Yusupov.