22:07 / 31.07.2020
3226
Airbus’нинг учувчисиз вертолёти илк парвозини амалга оширди
Фото: Airbus

Airbus Helicopters компаниясининг учувчисиз бошқарилувчи вертолёти VSR700 илк парвозини амалга оширди. Парвоз 10 дақиқа давом этган.

Компания бош директори Брюно Эвеннинг таъкидлашича, VSR700’нинг илк парвози Франциядаги синовлар маркази ҳудудида бўлиб ўтган.

Мутахассиснинг айтишича, бу парвоз вертолётнинг 2021 йил охирида денгизда ўтказилиши режалаштирилган синовлари томон “катта қадам” бўлган.

VSR700 узунлиги 6,2 метрни ташкил қилади. У ҳавода 6 кмгача баландликда 8 соат қолиши мумкин. Учувчисиз вертолётнинг максимал тезлиги соатига 80 кмни ташкил қилади. 

VSR700 ҳарбий вертолётлар ва кемаларга денгиз операциялари вақтида ёрдам бериш мақсадида ишлаб чиқилмоқда.

Top