19:56 / 03.08.2020
5664
Британиялик аёл коронавирусдан 141 кунда соғайди

Британиялик аёл, коронавирусга чалинган 35 ёшли Фотима Бридл шифохонада 141 кун ўтказгандан кейин соғайди. Таъкидланишича, бу коронавирусдан соғайиш вақти бўйича рекорд узоқ муддат ҳисобланади.

Фото: Getty Images

Аёл Британияда ҳали карантин киритилмаган вақтда Марокашдан қайтгандан кейин коронавирусга чалинган ва Southampton General Hospital шифохонасига ётқизилган.
 
Бридлда коронавирус оғир кечган, унинг ўпкаси ишламай қолган. Шу сабабли аёл узоқ вақт жонлантириш бўлимида қолган. Жумладан, у ўпкани сунъий шамоллатиш қурилмасига уланган ҳолда 1,5 ой давомида сунъий комада бўлган.

Шифокорларнинг таъкидлашича, Бридлда ўпкани сунъий шамоллатиш қурилмасига уланган ҳолда яшаб кетиши имконияти 40 фоизни ташкил қилган. Бироқ аёл комада қолган вақтда бу имконият даражаси тобора камайиб борган.   

Top