Masjidlar faoliyatini qayta yo‘lga qo‘yishga bosqichma-bosqich ruxsat berilishi kutilyapti

Din ishlari bo‘yicha qo‘mita matbuot xizmati xabariga ko‘ra, yig‘ilishda qo‘mita raisi Abdug‘afur Ahmedov masjidlar faoliyatini qayta ko‘rib chiqish va hozirgi holati masalasiga alohida e'tibor qaratdi. 

Jumladan, u masjidlarni kuz-qish mavsumiga tayyorlash, shuningdek, Respublika maxsus komissiyasining qarori bilan karantin talablari yumshatilgan taqdirda, har bir hududning epidemiologik holatini inobatga olib, sanitariya talablariga to‘liq amal qilgan holda masjidlar faoliyatini qayta yo‘lga qo‘yishga bosqichma-bosqich ruxsat berish masalasini kun tartibiga qo‘ydi.

O‘z navbatida, qo‘mita raisi hozirgi paytda respublikadagi masjidlarning mavjud holati to‘liq o‘rganib chiqilganini ham ma'lum qildi.

Videoselektor davom etmoqda, deyiladi ma'lumotda.