O‘zbekiston yadro avariyalari holatlarida yordam ko‘rsatish to‘g‘risidagi konvensiyaga qo‘shiladi

Normativ-huquqiy hujjatlar loyihalari muhokamasi portalida “Yadro avariyalari yoki radiatsiya avariya holatlarida yordam ko‘rsatish to‘g‘risidagi konvensiyaga (Vena, 1986 yil 26 sentabr) O‘zbekiston Respublikasining qo‘shilishi haqida”gi qonun loyihasi e'lon qilindi.

Hujjat bilan Yadro avariyalari yoki radiatsiya avariya holatlarida yordam ko‘rsatish to‘g‘risidagi Konvensiyaga (Vena, 1986 yil 26 sentabr) qo‘shilish mo‘ljallanmoqda.

Qayd etilishicha, O‘zbekiston Konvensiyaga quyidagi bayonot bilan qo‘shiladi:

“O‘zbekiston Respublikasi Konvensiyaning 8-moddasi 9-bandiga muvofiq shuni bayon qiladiki, u o‘zini ushbu modda 2-bandining qoidalariga bog‘liq deb hisoblamaydi”.