Qoʻshimcha funksionallar
-
Tungi ko‘rinish
O‘zbekistonda kimlar gripp va pnevmoniyaga qarshi bepul emlanishi ma'lum qilindi
Sentabr oyidan O‘zbekiston aholisini gripp va pnevmoniyaga qarshi emlash boshlanishi mumkin. Sog‘liqni saqlash vazirligidan ma'lum qilishlaricha, bu borada hukumat darajasida kerakli chora-tadbirlar olib borilmoqda.
Epidemiolog Rustam Ikromovning so‘zlariga ko‘ra, gripp va pnevmoniyaga qarshi emlash bo‘yicha ishlab chiqilgan chora-tadbirlar dasturi – hozircha reja. Taklif sifatida hukumatga taqdim etilgan.
«Hujjatda vaksinalarni chetdan olib kelish va joylarda emlash punktlarini tashkil etish ishlari ko‘zda tutilgan. Agar dastur kuchga kirsa, bu ishlarni sentyabrdan boshlash rejalashtirilgan», – dedi mutaxassis.
Ma'lum qilinishicha, 2019 yilda 21 mingdan ortiq kishiga grippga qarshi vaksinalar bepul, davlat budjeti hisobidan yetkazib berilgan, shuning hisobiga «Muruvvat» va «Saxovat» uylarida yashovchilar, mehribonlik va go‘daklar uylarining tarbiyalanuvchilari emlangan.
«Joriy 2020 yilda ham shu toifadagi aholiga vaksinalar davlat tomonidan yetkazib berilishi ko‘zda tutilgan. Boshqa aholi vakillari o‘z hisobidan, tashkilot xodimlari o‘sha idora mablag‘laridan xususiy emlash markazlari orqali vaksina olishlari mumkin», – dedi epidemiolog Rustam Ikromov.
Koronavirus O‘zbekistonda
Mavzuga oid
17:48 / 01.11.2024
Dunyodagi eng halokatli infeksiya nomi ma’lum bo‘ldi
15:00 / 26.10.2024
Faqat immunitetni emas, zehnni ham o‘ldiradi: olimlar oddiy infeksiyalar miya uchun xavfli ekanini aniqladi
20:25 / 23.10.2024
Britaniyada norovirusga qarshi dunyodagi birinchi vaksinani sinovdan o‘tkazish boshlandi
21:15 / 13.09.2024