18:56 / 21.08.2020
3205
Германиялик экспертлар гуруҳи COVID-19'га қарши курашда ёрдамлашиш учун Ўзбекистонга келмоқда

Германиянинг нуфузли тиббиёт муассасаларидан бири – Роберт Кох институти бошчилигида ташкил этилган экспертлар делегацияси коронавирусга қарши курашиш учун Ўзбекистонга келмоқда.

Фото: "Дунё" ахборот агентлиги

«Дунё» агентлиги хабарига кўра, миссия Ўзбекистоннинг Германиядаги элчихонаси ташаббуси билан ташкил этилмоқда.

10 кишилик делегация «Ўзбекистон ҳаво йўллари»нинг махсус чартер рейси билан Франкфурт-Майн шаҳридан йўлга чиққан бўлиб, соат 21:00да Тошкентга қўниши кутилмоқда.

Фото: "Дунё" ахборот агентлиги

Улар бир ҳафта – 28 августгача Ўзбекистонда бўлади.

Экспертлар жамоаси – Роберт Кох институти мутахассислари, Франкфурт-Майн ва Дюссельдорф университетлари клиникаларининг малакали врачлари, шунингдек Жаҳон соғлиқни сақлаш ташкилотининг Европа минтақавий бюроси вакилларидан ташкил топган.

Делегацияга Роберт Кох институти Халқаро соғлиқни сақлаш маркази директори ўринбосари – Халқаро соғлиқни сақлаш ахборот маркази раҳбари доктор Андреас Янсен бошчилик қилади.

Андреас Янсен / Фото: "Дунё" ахборот агентлиги

Эслатиб ўтамиз, ўтган ҳафта Ўзбекистонга Россиядан 40 нафарга яқин мутахассислар гуруҳи коронавирусга қарши курашда ёрдам бериш учун келганди.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top