BMT Taraqqiyot dasturi O‘zbekistonda startaplar tanlovini e'lon qildi. 40ta g‘olibga 50 mln so‘mdan beriladi

Ushbu tanlovga O‘zbekiston bo‘ylab 16 yoshdan katta barcha shaxslar 2020 yilning 16 sentyabrigacha o‘z loyihalarini topshirishi mumkin. O‘zbekistonda yoshlarning boshlang‘ich tashabbuslarini qo‘llab-quvvatlash dasturining beshinchi davri ishtirok etish uchun arizalar qabul qilish boshlandi. 40ta eng yaxshi loyihalar mualliflari 50 million so‘mgacha grantlarga ega chiqishlari mumkin.

Jumladan, dastur quyidagilarni o‘z ichiga oladi:

• Tezlashtirish – vaqt va resurslarni tejab, loyihaning hayotiyligini tezda tekshirib ko‘ring;
• Bilimlar – innovatsion g‘oya va startap loyihasini boshlash va rivojlantirish uchun metodologiya va vositalar;
• Loyiha bo‘yicha yo‘l xaritasi – ishtirokchilar tomonidan biznes-ustoz bilan birgalikda ishlab chiqiladi;
• Mahorat-darslari va maslahatlar – onlayn seminarlarda ishtirok etish va murabbiylar va bozor mutaxassislaridan tajriba olish;
• Marketing va mijozlarni tadqiq qilish – maqsadli auditoriyani aniqlash, qiymat takliflari va loyiha gipotezalarini sinash;
• Hamkorlik – mahsulot/xizmatning minimal ishchi modelini yaratish, uni sinovdan o‘tkazish va fikr-mulohaza olish uchun sherik tashkilotlarning resurslaridan foydalanish;
• Investorlarga taqdimot – finalistlar demo kuni startaplarini namoyish etishadi va loyihani amalga oshirish uchun sarmoyalarni jalb qilishlari mumkin;
• Moliyaviy ko‘mak va sovrinlar – eng yaxshi 40 ta loyiha qimmatbaho sovg‘alar va loyihani rivojlantirish uchun 50 million so‘mgacha maqsadli grantlarga ega bo‘ladi;
• PR qo‘llab-quvvatlash – investitsiyalarni jalb qilishda yordam berish va xorijiy davlatlarning tezlashtirish dasturlarida ishtirok etish.

Start-up'larni amalga oshirish uchun 50 million so‘mgacha bo‘lgan grantlar (har bir hududdan 3 tagacha va Toshkent shahrida 10 tagacha loyihalar) “Yoshlar-kelajagimiz” jamg‘armasi va O‘zbekistondagi BMT Taraqqiyot Dasturi tomonidan ajratiladi.

Tanlovga 16 yoshdan katta yoshlar tadbirkorlar, ixtirochilar, talabalar, oliy o‘quv yurtlari o‘qituvchilari va tadqiqotchilari, kasb-hunar kollejlari va akademik litsey bitiruvchilari ishtirok etishlari mumkin. Qizlar boshchiligidagi loyihalar va jamoalarga yoki qizlarning hammuallifi bo‘lgan jamoalarga ustuvor ahamiyat beriladi.

Tanlovning amalga oshirilish tartibi quymdagicha:

Dasturda ishtirok etish bepul, tadbirlar onlayn tarzda o‘tkaziladi. Uch oylik ishtirok etish jarayonida nafaqat g‘oyani sinab ko‘rish, texnologiya sohasidagi tadbirkorning ko‘nikmalari va salohiyatini rivojlantirish, balki o'z start-up'ingizni yaratishni boshlash va uni ishga tushirish uchun mablag 'olish mumkin bo‘ladi.

Ushbu tanlov haqida to‘liq ma'lumot:

Dasturda sihtirok etsih shartlari va ariza shakli, loyihalarni tanlash mezonlari va sihtirokchilarga qo‘yilgan talablar to‘g‘risida ma'lumotni startupinitiatives.uz sahofasidan olishingiz mumkin. 

Dastur yangiliklaridan boxabar bo‘lish uchun:

Telegram kanal: t.me/startup_initiatives

Facebook sahifasi: fb.com/startupuzb

Qo‘shimcha ma'lumotlar uchun quyidagi raqamga murojaat qilishingiz mumkin: +99890 317-39-59

Reklama huquqi asosida