«Bu masala köproq Rossiya tomoniga boğliq bölib turibdi» – Transport vazirligi vakili Rossiyaga aviareyslar qaçon tiklanişi haqida

Köpçilik Rossiyaga qaçon aviareyslar tiklanişiga qiziqişi tabiiy. Çunki bu eng tiğiz yönaliş. Ammo bu yerda muammoning yeçimi bizning xohişimiz yoki qarorlarimizga boğliq emas. Bu masala köproq Rossiya tomoniga boğliq bölib turibdi. Lekin oldin aytganimizdek muzokaralar davom etmoqda va xayrli yakundan umid qilib turibmiz.

– Charter reyslar böyiça ham savollar bor. Repatratsion reyslar va turoperatorlar taşkillaştirayotgan reyslar örtasida qanday farqlar bor?

– Hali muntazam aviaqatnovlar tiklanmagan yönalişlarda xorijdagi mamlakatimiz fuqarolarini vatanga qaytariş maqsadida Respublika maxsus komissiyasi tomonidan tasdiqlangan parvozlar jadvaliga muvofiq charter repatriatsiya reyslari taşkil etilmoqda.

Bu amaliyot birinçi navbatda murakkab vaziyatga tuşib qolgan va Özbekistonga qaytişga muhtoj fuqarolarimizni qaytariş maqsadida tasdiqlangan reja asosida amalga oşiriladi. Turoperatorlar taşkillaştiruvçi reyslar tijoriy reyslar bölib, unda uyuştirayotgan kompaniya amaldagi xarajatlaridan kelib çiqib narx belgilaydi. Ammo bunday reyslarda ham çipta narxi aniq körsatilişi lozim.

– Sönggi paytlarda ayrim guruhlar muntazam reyslar tiklanmasligidan manfaatdorligi haqidagi gaplar köpaydi. Buni qanday izohlaysiz?

– Töğri, sönggi vaqtlarda mavjud vaziyatdan bexabar bölgan ayrim OAV tomonidan muntazam aviaqatnovlarning ayrim davlatlarga qayta yölga qöyilgani, boşqa davlatlarga, xususan, Rossiya Federatsiyasiga esa ataylab qayta tiklanmayotgani, buning ortida esa ayrim manfaatdor guruhlar turgani töğrisidagi asossiz xabarlar tarqatilmoqda. Bu esa öz navbatida ijtimoiy tarmoqlarda keng muhokamalarga sabab bölyapti.

Bugungi kunda mamlakatimiz fuqarolari eng köp töplanib qolgan Rossiya Federatsiyasiga muntazam aviaqatnovlarni tiklaş yuzasidan mamlakatning aviatsiya ma'muriyati va transport vazirligi bilan muzokaralar olib borilmoqda. Rossiya tomoniga muntazam yölovçi parvozlarini qayta tiklaş böyiça yönaliş marşrutlari va parvozlar soni töğrisidagi ma'lumotlar rasmiy ravişda taqdim etilgan. Ikki davlat örtasida muntazam aviaqatnovlarni tiklaş masalasi hozirda mamlakat Operativ ştabi tomonidan körib çiqilmoqda.

Şu bilan birga, ötkazilgan mazkur muzokaralar davomida Özbekiston fuqarolarini imkon qadar tezroq vatanga qaytariş maqsadida Rossiya Federatsiyasiga amalga oşirilayotgan charter repatriatsiya reyslari sonini köpaytiriş böyiça kelişuvga erişildi. 9 sentabr kunidan e'tiboran Moskva–Toşkent yönalişida kuniga ikki marta, Sankt-Peterburg–Toşkent yönalişida esa kuniga bir martadan charter repatriatsiya reyslari bajarilmoqda.

Şu bilan birga, bugungi kunda Respublika maxsus komissiyasining 2020 yil 7 iyuldagi 33-son bayoniga muvofiq, karantin davrini mehmonxonalarda ötkaziş şarti bilan turoperatorlar yoki aviakompaniyalarning murojaatiga asosan Özbekiston Respublikasi fuqarolari va Özbekiston Respublikasida doimiy yaşaş joyiga ega bölgan fuqaroligi bölmagan şaxslarni olib keliş böyiça tijoriy charter qatnovlari ham amalga oşirilmoqda.

– Çiptalar narxlari böyiça ham e'tirozlar talaygina. Umuman, eng asosiy yönalişlar böyiça çiptalarning baholari haqida ma'lumot bera olasizmi?

– Sönggi vaqtlarda ijtimoiy tarmoqlarda xorijdagi fuqarolarni Özbekistonga olib keliş maqsadida taşkil etilayotgan charter repatriatsiya reyslari çiptalari juda qimmat narxlarda sotilayotgani yuzasidan turli xabarlar tarqalmoqda. Mazkur masala tahlil qilinganida esa bu kabi xabarlarni qoldirayotgan fuqarolar aslida aynan turoperatorlar tomonidan amalga oşirilayotgan tijoriy charter qatnovlarining çipta narxlari xususida fikr bildirayotgani oydinlaşmoqda.

Şu örinda Transport vazirligi turoperatorlar va aviakompaniyalar tomonidan taşkil etilayotgan tijoriy charter qatnovlarining Respublika maxsus komissiyasi tomonidan tasdiqlangan parvozlar jadvaliga muvofiq taşkil etilayotgan charter repatriatsiya reyslarga aloqasi yöq ekanligini yana bir bor eslatib ötadi.

Respublika maxsus komissiyasi tomonidan tasdiqlangan parvozlar jadvaliga muvofiq «Uzbekistan airways» aviakompaniyasi tomonidan Rossiya Federatsiyasi şaharlariga amalga oşirilayotgan charter repatriatsiya reyslari çipta narxlari Moskva–Toşkent 396 AQŞ dollari, Yekaterinburg–Toşkent 373 AQŞ dollari, Qozon–Toşkent 369 AQŞ dollari, Novosibirsk–Toşkent 368 AQŞ dollari, Rostov–Toşkent 368 AQŞ dollari, Samara–Toşkent 381 AQŞ dollari miqdorida bir tomonga realizatsiya qilinmoqda. Mazkur charter repatriatsiya reyslari Rossiya tomonining talablaridan kelib çiqqan holda bir tomonga (Rossiya Federatsiyasiga) yölovçilarsiz bajarilmoqda.

Turoperatorlar tomonidan bajarilayotgan tijoriy charter qatnovlari çipta narxlari haqiqatdan ham charter repatriatsiya reyslariga nisbatan qimmat. Mazkur tijoriy charter qatnovlari çipta narxlarining qimmatligi aynan qaysi omillar bilan boğliqligi yuzasidan bir neça bor ma'lumot berilgan.

Abror Zohidov suhbatlaşdi.