11:21 / 21.09.2020
3915
Ҳиндистонда 3 қаватли уй қулаб тушиши оқибатида 10 киши ҳалок бўлди

Ҳиндистоннинг Бхиванди шаҳрида (Махараштра штати) 3 қаватли турар-жой биносининг қулаб тушиши оқибатида 10 киши ҳалок бўлди. Бу ҳақда NDTV телеканали хабар берди.

Маълумотларга кўра, вайроналар остида 25 киши қолган, улардан камида 10 нафари ҳалок бўлган. 31 кишини қутқаришга муваффақ бўлинган. Воқеа жойида ўт ўчирувчилар, қутқарувчилар ва полиция иш олиб борган. 
 
Уй маҳаллий вақт билан соат 4лар атрофида қулаб тушган. Уй 40 йил аввал қурилган бўлган ва унда 20тага яқин оила яшаган.

The Times of India нашрининг хабар беришича, уй эски бўлгани сабабли хавфли бинолар рўйхатига киритилган бўлган ва маҳаллий идоралар уни бўшатиш ҳақида огоҳлантириш беришган.

Top