20:09 / 24.09.2020
9819
Путиннинг номзоди тинчлик бўйича Нобель мукофотига илгари сурилди 
Фото: РИА "Новости"

Россия президенти Владимир Путин номзоди тинчлик бўйича Нобель мукофотига илгари сурилди. 

Россиялик ёзувчи Сергей Комков Путиннинг номзодини 2021 йилги тинчлик бўйича Нобель мукофотига илгари суриш ҳақидаги аризани 10 сентябрда  Ослога жўнатганини маълум қилди.

Путиннинг матбуот котиби Дмитрий Песков ёзувчининг бу ташаббусига изоҳ бериб ўтди.

“Бу мукофотга турли одамлар илгари сурилишини биласиз. Бу шундай таклиф билан чиқадиганларнинг ташаббуси ҳисобланади. Номзодларни кўриб чиқиш тартиб-қоидалари бор. Агар бу борада [аризани қабул қилиш] қарор қабул қилинса ажойиб бўлади, қилинмаса ҳам қўрқинчли жойи йўқ. Бу ерда бошқа бирор нарса айтиш қийин”, деб таъкидлаб ўтган Песков.

Top