Italiyada koronavirus sababli favqulodda vaziyat rejimi 31 yanvargacha uzaytiriladi

Italiya hukumati COVID-19 pandemisi munosabati bilan favqulodda vaziyat rejimini 2021 yilning 31 yanvarigacha uzaytirishni mo‘ljallamoqda. Bu haqda mamlakat sog‘liqni saqlash vaziri Roberto Speransa ma'lum qildi.

"Natijalar kundan-kunga o‘smoqda, hushyorlik va ehtiyotkorlikka e'tibor qaratish lozim. Shuning uchun, favqulodda vaziyat rejimini 31 yanvargacha uzaytirish to‘g‘ri tanlov bo‘ladi deb o‘ylayman", - dedi u.

Italiya hukumati xorijlik turistlarda COVID-19 aniqlangan dastlabki holatlardan so‘ng 31 yanvarda olti oyga favqulodda vaziyat rejimini joriy etish to‘g‘risida qaror qabul qilgandi. 31 iyulda ushbu rejim  15 oktyabrgacha uzaytirildi.

6 oktabr holatiga ko‘ra, mamlakatda koronavirus yuqtirish bilan bog‘liq holatlar soni 327 mingdan oshgan, 36002 kishi vafot etgan.