Ginness rekordi: Xitoylik erkak usti rekord og‘irlikdagi asalarilar bilan qoplandi (video) 

Xitoyda Juan Lyanmin ismli erkak boshdan-oyoq jami og‘irligi 63 kilogramm keladigan tirik asalarilar bilan qoplab chiqildi va Ginness rekordi qayd etildi. Ushbu rekord urinish videosi Guinness World Records’ning Facebook’dagi sahifasida joylashtirildi.

Videoda himoya kiyimisiz bo‘lgan erkak ustiga tog‘oralarda minglab asalari to‘kilayotganini va hasharotlar erkakning ustini to‘liq qoplaganini ko‘rish mumkin. Bu vaqtda erkak elektron tarozi ustida turgan va uning ustidagi asalarilar og‘irligi 63 kg chiqqan.