Hindistonda shifokorlar ish tashlash e'lon qilishdi

Anadolu axborot agentligining xabar berishicha, uyushma mamlakat bosh vaziri Narendra Modiga koronavirusga chalinganlarni davolashda ishtirok etayotgan tibbiy xodimlarga kompensatsiyalar to‘lanishi talabi bilan ochiq maktub yo‘llagan.

“Ushbu epidemiya vaqtida qahramonlar va jasur jangchilar kabi ko‘klarga ko‘tarilgan shifokorlar bunday og‘ir vaqtda hattoki maoshidan ham mahrum bo‘lganini ko‘rish ayanchli”, – deb yozilgan maktubda.

Uyushma fikricha, bunday holat shifokorlar uchun juda haqoratli hisoblanadi. 
 
Hindiston hozirda koronavirusdan eng ko‘p aziyat chekkan davlatlar qatoriga kiradi. Oxirgi ma'lumotlarga ko‘ra, mamlakatda koronavirusga chalinganlar soni 8 mlnga yetgan, so‘nggi sutkada kasallanish holatlari soni 43 mingdan ko‘proqni tashkil qilgan.