18:15 / 12.11.2020
1895
Beeline Uzbekistan: инновацион рақамли хизматларни ривожлантириш бўйича TBC Bank билан ҳамкорлик меморандуми имзоланди

Beeline Uzbekistan ва халқаро TBC Bank стратегик ҳамкорлик тўғрисида меморандум имзоладилар. Ҳужжат ўзаро манфаатли лойиҳаларни амалга оширишда томонларнинг яқин ҳамкорлиги ва манфаатдорлигини тасдиқлайди. Имзоланган шартнома доирасида Beeline Uzbekistan, Beepul мобил иловалари каби рақамли каналлар, USSD ва бошқа каналлар орқали, шунингдек компаниянинг расмий веб-сайтида компания абонентлари учун банк ҳисоб рақамларини, электрон ҳамёнларни очиш режалаштирилган. Бундан ташқари, қўшма тест ўтказиш ва скоринг моделини ишга тушириш тўғрисида келишувга эришилди.

«Жаҳон амалиёти шуни кўрсатадики, мамлакатни рақамлаштириш даражаси унинг сармоявий кўркамлигини, шунингдек халқаро майдонда рақобатбардошлигини белгилайди. Биз Ўзбекистонда рақамли иқтисодиёт, телекоммуникация ва банк технологияларининг ривожланишини таъминлашда TBC Bank билан ҳамкорликни ривожлантиришда ҳамкорлик қилишдан ва катта истиқболларни кўриб турганимиздан мамнунмиз. TBC Bank билан меморандум имзоланиши бу борадаги муҳим қадамдир. Бундан ташқари, ушбу ташаббус, бизнингча, "Рақамли Ўзбекистон - 2030" дастурини ривожлантиришга катта ҳисса қўшади ва Doing Business рейтингидаги энг яхши 20 мамлакат даражасига тўғри келадиган тадбиркорлик учун шароит яратади. Қўшма лойиҳа имтиёзли ва ҳамёнбоп сервис ва хизматларни тақдим этишнинг янги самарали воситасини яратишнинг бошланишидир. Ишонамизки, улар ҳам абонентлар, ҳам компаниямиз ходимлари учун талабга эга бўлади. Ишончимиз комилки, бундай ўзаро муносабат нафақат ривожланиш учун, балки янги ғоялар, ёндашувлар ва технологияларни кашф этиш учун ҳам улкан имкониятдир. Ҳамкорлар билан яқиндан ишлаш мижозларимизга энг яхши рақамли ечимларни аниқлаш ва таклиф қилиш эҳтиёжларини яхшироқ англашимизга имкон беради», - дея воқеани шарҳлади Beeline Uzbekistan тижорат директори Алишер Ҳамидов.

Ушбу мақсадларга эришиш учун томонлар доимий равишда меморандумни амалга ошириш бўйича қўшма маслаҳатлашувлар ўтказиш, харидорларга маҳсулотларни тушунтириш ва тақдим этиш, зарур махфийликка риоя қилиш учун турли тақдимотлар, семинарлар ва тренингларни режалаштириш ва ташкил этишга келишиб олдилар.

«Ўзбекистонда анъанавий банк ишини ўзгартириш учун биз ностандарт усулда ҳаракат қилишимиз керак. Шуни мамнуният билан хабар берамизки, биз Beeline тимсолида кучли иттифоқчини топдик. Муваффақиятли ва технологик жиҳатдан ривожланган алоқа оператори бизнинг қарашларимиздан бир нафасда эканлигидан ва биз билан Ўзбекистонда оддий, тушунарли ва шаффоф маҳсулотларни яратишда ҳамкорлик қилишга тайёр эканлигидан мамнунмиз. Beeline рақамли каналлари орқали инновацион молиявий маҳсулотларни тақдим этиш имконияти бизнинг таклифларимиз ва хизматларимизни кенг аудиторияга тақдим этади, улардан фойдаланиш ҳақиқатан ҳам тезкор бўлади ва мижозлар молия институти билан ўзаро алоқада янги, ижобий тажрибага эга бўлишади» - деди Евгений Вишневский, TBC Банкнинг Ўзбекистондаги тижорат директори.

Мутахассисларнинг фикрига кўра, қўшма лойиҳаларни амалга ошириш бир неча босқичда режалаштирилган. Ҳозирда янги хизматлар ва хизматларни амалда татбиқ этишга комплекс рақамли ёндашувнинг биринчи босқичи бошланди. Иккала томон ҳам ташаббусларни 2020 йилда бошлаш ниятидалар.


Beeline Uzbekistan ҳақида маълумот

Unitel МЧЖ 2006 йил 12 сентябрдан бошлаб Beeline Uzbekistan савдо белгиси остида хизмат кўрсатиб келмоқда. Beeline Uzbekistan – бош қароргоҳи Амстердамда (Голландия) жойлашган VEON халқаро телекоммуникация холдинги таркибига киради.

VEON – бу 10 та мамлакатда 210 миллиондан ортиқ абонентга эга глобал телекоммуникация ва интернет хизматларини етказиб берувчи компания. Унинг акциялари NASDAQ ва Euronext Amsterdam фонд бозорларида рўйхатга олинган.

Сайт: beeline.uz 

Facebook: fb.com/beeline.uz 

Instagram: @beeline_uzbekistan

Telegram: t.me/uzbeelineuzb


TBC («TBC Bankgroup PLC») банк гуруҳи ҳақида маълумот

Ўзбекистондаги TBC – бу кундалик банк ишларига анъанавий ёндашувни ўзгартиришга мўлжалланган замонавий рақамли банкдир.

TBC Bank АТБ 2020 йил апрель ойида Ўзбекистон Марказий банкидан лицензия олди. 2020 йил октябрь ойидан бери бета-тестда молиявий хизматларни тақдим этмоқда.

Ўзбек банки Кавказ минтақасидаги етакчи универсал банк гуруҳига киради, у Грузиянинг катта ёшдаги аҳолисининг 75 фоизига хизмат қилади. Гуруҳ Лондон фонд биржасининг премиум сегментида рўйхатга олинган ва FTSE 250 нинг бир қисмидир. TBC PLC шунингдек FTSE4Good IndexSeries рўйхатига киритилган. Сўнгги 17 йил давомида банк 15 маротаба «Грузиянинг энг яхши банки» мукофотига сазовор бўлган (жами 32 та мукофот).

Ўзбекистондаги TBC – бу App Store ва  Google Play да мавжуд бўлган биринчи инновацион рақамли банк.

Beeline Uzbekistan ташқи алоқалар ва коммуникациялар бўлими

Top