Endi Beeline foydalanuvchilari kunlik abonent to‘lovi yechish xizmatini o‘zlari boshqara oladi

Bir necha oy oldin Raqobat qo‘mitasi Beeline’ga tarif shartlarini qayta ko‘rib chiqish bo‘yicha ko‘rsatma bergan edi. Mobil aloqa operatori Raqobat qo‘mitasi tomonidan qo‘yilgan talabni bajardi.

Qo‘mita matbuot xizmatining xabar berishicha, Unitel kompaniyasi (Beeline) tomonidan ushbu ko‘rsatma bajarilgan.

Mobil aloqa operatori abonentlarga oylik abonent to‘lovi yechish vaqtida mablag‘ yetarli bo‘lmasa, kunlik abonent to‘lovi avtomatik tarzda yechib olinishini bekor qilish imkoniyatini berishi shart ekanligi ko‘rsatilgan edi.

Endilikda kompaniya tomonidan “kunlik abonent to‘lovi rejimiga o‘tish” xizmatini boshqarish imkoniyati joriy etildi. Ushbu xizmat mavjud tarif rejalariga ulangan abonentlarga SMS xabarnoma yuborilib, xizmatni boshqarish usullari tushuntirildi.

Endi abonentlar kunlik abonent to‘lovi yechish xizmatini:

• USSD kod orqali;
• Hambi mobil ilovasi;
• kompaniyaning aloqa markazi;
• savdo ofislari orqali o‘chirishi yoki faollashtirishi mumkin.