Rossiya Afrikada harbiy-dengiz bazasi qurishni rejalashtirmoqda

Rossiya Sudanda harbiy-dengiz bazasi qurishni rejalashtirmoqda. Bu haqda Rossiya hukumati saytida xabar berildi.

Qayd etilishicha, Sudan Rossiyaning ushbu mamlakat hududida moddiy-texnik ta'minot punkti qurish to‘g‘risidagi taklifiga rozilik bergan.

Kelishuvga ko‘ra, Rossiya Sudanda yadroviy energetika qurilmasi bilan jihozlangan kemalarini joylashtirishi mumkin, punkt xodimlari soni 300 nafargacha bo‘ladi.

Bazada bir vaqtning o‘zida Rossiyaning to‘rttagacha kemasi bo‘lishi mumkin.

 Kelishuv 25 yil muddatga mo‘ljallangan bo‘lib, avtomatik ravishda har 10 yillik davrga   uzaytiriladi.  

 Shuningdek, xabar qilinishicha, Rossiya Sudanga beg‘araz tarzda qurol va harbiy texnika yetkazib beradi.

Avvalroq Sudan hukumati Rossiyaga Qizil dengizda baza tashkil etishni taklif qilgandi.