08:19 / 14.11.2020
12053

«Toshkent metropoliteni» yangi metro vagoni tomidan suv sizib chiqqani bo‘yicha izoh berdi

Ijtimoiy tarmoqlarda yangi metro vagoni tomidan suv tomchilari sizib chiqayotgani aks etgan video tarqaldi.

«Toshkent metropoliteni»ning ushbu hodisa bo‘yicha ma'lum qilishicha, holat vagon ichidagi iqlim tizimining drenaj teshigi tiqilib qolganligidan hosil bo‘lgan. 

«Videolarda namoyish etilganidek, vagon saloniga tomdan sizib kirgan suv tomchilari bu yomg‘ir suvi emas, balki konditsioner tizimining kondensatidir», - deyiladi ma'lumotda. 

Ta'kidlanishicha, ayni paytda ushbu muammo bartaraf etilgan. Kelib chiqqan noqulayliklar uchun uzr so‘ralgan. 

Top