Putin Rossiya va AQSh munosabatlari haqida: «Allaqachon buzilgan munosabatlarni qaytadan buzib bo‘lmaydi»

Rossiya prezidenti Vladimir Putin mamlakatning AQSh bilan munosabatlari haqida gapirib, ular yanada yomonlashishi ehtimoli borligini aytdi.

Foto: Kreml rasmiy sayti

«Allaqachon buzilgan munosabatlarni qaytadan buzib bo‘lmaydi», – degan Putin «Rossiya 1» telekanali efirida.

AQShda 3 noyabr kuni prezident saylovlari bo‘lib o‘tdi. OAV demokrat Jo Bayden saylovda g‘olib bo‘lganini e'lon qildi. Amaldagi prezident Donald Tramp esa o‘z g‘alabasini sudda himoya qilish niyatidan qaytmagan. Rasmiy natijalar hali e'lon qilinmadi.

Kreml matbuot kotibi Dmitriy Peskov «Rossiya AQSh xalqining tanlovini hurmat qiladi va har qanday prezident bilan ishlashga tayyor», – deb aytgan. Peskovga ko‘ra, Rossiya «ikki tomonlama aloqalarni yaxshilaydigan prezident»ni afzal ko‘radi.