16:10 / 01.12.2020
4172
Меркел коронавируснинг учинчи тўлқини ҳақида огоҳлантирди

Аввалроқ Германияда жорий этилган қатъий карантин 20 декабргача узайтирилгани ва келаси йил январи охиригача узайтирилиши мумкинлиги хабар қилинганди.

Фото: Reuters

Германия канцлери Ангела Меркел коронавируснинг учинчи тўлқини хатари ҳақида маълум қилди, деб хабар бермоқда Reuters.

Унинг сўзларига кўра, Германияда 2 ноябрда “енгил локдаун” жорий этилганидан сўнг янги касалланиш ҳолатлари сони камайган. Аммо расмий шахслар вазият дуч келган пайтда ўзгариб кетиши мумкинлигидан огоҳлантирмоқда.

“Қишда биз янада ҳушёр бўлишимиз шарт. Акс ҳолда бизда янги тўлқин юз беради”, — деди канцлер.

Шунингдек, Меркел рождество таътиллари даврида чеклов чоралари юмшатилишига қарши чиқди.

Аввалроқ Германияда жорий этилган қатъий карантин 20 декабргача узайтирилгани ва келаси йил январи охиригача узайтирилиши мумкинлиги хабар қилинганди.

Германия коронавирус юқтириш ҳолатлари ўсганлиги сабабли 2 ноябрда қатъий карантин жорий этганди. Ангела Меркелнинг фармонига мувофиқ, хусусан, ресторан, бар, кинотеатр, кўнгилочар муассасалар, фитнес-клуб, бассейнлар ёпилганди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top