Turkiyada 2016 yilgi davlat to‘ntarishiga urinish ishi bo‘yicha 200 nafarga yaqin kishi hibsga olindi

Politsiya maxsus operatsiyasi Izmir shahri prokuraturasi 304 nafar kishini hibsga olishga order berganidan so‘ng o‘tkazilgan.

Foto: Reuters

Turkiya politsiyasi 2016 yilgi davlat to‘ntarishiga urinishda gumonlangan 198 kishini hibsga oldi. Bu haqda Turkiya OAV xabar bermoqda.

Xabarda aytilishicha, qo‘lga olinganlar orasida oddiy fuqarolar ham, harbiy xizmatchilar ham bor.

Politsiya maxsus operatsiyasi Izmir shahri prokuraturasi 304 nafar kishini hibsga olishga order berganidan so‘ng o‘tkazilgan.

Turkiya hukumati Fathulloh Gulenning FETO tashkilotini 2016 yilgi davlat to‘ntarishiga urinishda ayblamoqda. AQShda yashayotgan Gulen esa bu ayblovni rad etmoqda.

Turkiyada FETO tashkilotiga aloqadorlikda ayblanib minglab kishilar sudlandi, o‘n minglab kishilar davlat idoralaridagi ishidan chetlashtirildi. Ularning aksariyatini ofitserlar, OAV vakillari, tadbirkorlar tashkil etadi.