15:18 / 09.12.2020
2900
Республика болалар суяк сили санаторийсига бош врач тайинланди

Ўзбекистон Республикаси Соғлиқни сақлаш вазирининг тегишли буйруғига кўра, Республика болалар суяк сили санаторийси бош врачи лавозимига Асилбек Аҳмаджонов тайинланди.

«Унга республикада болалар суяк сили профилактикаси, диагностикаси ва инновацион реабилитация усулларини кенг татбиқ этиш, ушбу йўналишда илмий тадқиқотлар устида ишлаш, илмий ходимлар ва шифокорларни ҳар томонлама қўллаб-қувватлаш ҳамда санаторийда беморлар учун янада кенг шароитлар яратиш каби қатор вазифалар юклатилди», дейилади ССВ матбуот хизмати хабарида.

Асилбек Аҳмаджонов

45 ёшли тиббиёт фанлари номзоди А. Аҳмаджонов шу вақтгача Соғлиқни сақлаш вазирлигининг Кадрлар бошқармаси бошлиғи лавозимида фаолият юритиб келаётган эди.

Болалар суяк сили санаториясига шу йилнинг февралидан буён Озоджон Абдираҳмонович Кулиев раҳбарлик қилиб келаётганди.

Top