Sog‘liqni saqlash vazirligidan so‘ng “O‘zarxiv” ham soxta akkauntlar haqida bayonot berdi

“O‘zarxiv” agentligi Telegram messenjerida agentlik direktori Ulug‘bek Yusupov fotosi qo‘yilgan soxta profillar orqali yolg‘on xabarlar va topshiriqlar tarqatilayotgani haqida aholini ogohlantirdi. Rasmiy ma’lumotga ko‘ra, ushbu akkauntlar rahbar nomidan ishonch qozonib, shubhali havolalar va fayllarni tarqatmoqda.

Agentlikning rasmiy bayonotida ta’kidlanishicha, taklif yoki topshiriq to‘g‘risidagi xabarlar Telegramdagi soxta akkauntlardan yuborilmoqda. Bunday hollarda muloqotga kirishmaslik, yuborilgan shubhali havolalarni ochmaslik, telefonga zararli APK ilovalarini o‘rnatmaslik va foydalanuvchini bloklash tavsiya etilmoqda. “O‘zarxiv” agentligi axborot xizmati mazkur xabarlar va akkauntlarga agentlik direktori Ulug‘bek Yusupovning hech qanday aloqasi yo‘qligini alohida qayd etdi.

Ma’lumot uchun, bundan avval Sog‘liqni saqlash vazirligi ham rahbar nomidan yuborilgan soxta xabarlar masalasida o‘xshash mazmunda ogohlantirish bergan edi.

Foydali tavsiyalar (qisqa):

nomi tanish rahbar surati tushirilgan hisoblardan kelgan talab/topshiriqlarga tez ishonmang;
havolani ochishdan oldin manbani tekshiring, faylni yuklab olmang;
Telegramda akkauntni Report va Block qiling;
rasmiy ma’lumotni agentlik/idoraning veb-sayti yoki tasdiqlangan kanallari orqali tekshirib oling.

Tayyorlagan: Отабек Матназаров

#Sog‘liqni saqlash vazirligi #O‘zarxiv #soxta akkauntlar