Turkiyadagi koronavirus bemorlari davolanayotgan shifoxonada yuz bergan yong‘in oqibatida 9 kishi halok bo‘ldi

Yong‘in Gaziantep universitet hospitali shifoxonasining koronavirus bemorlari davolanayotgan intensiv terapiya bo‘limida sodir bo‘lgan.

Foto: Anadolu Agency

Turkiyaning Gaziantep shahridagi shifoxonada kislorod apparatining portlashi natijasida kelib chiqqan yong‘in to‘qqiz kishining umriga zomin bo‘ldi. Bu haqda Onado‘lu agentligi xabar berdi.

Xabarda aytilishicha, yong‘in Gaziantep universitet hospitali shifoxonasining koronavirus bemorlari davolanayotgan intensiv terapiya bo‘limida sodir bo‘lgan.

COVID-19dan davolanayotgan bemorlar boshqa shifoxonalarga ko‘chirilgan.

Yong‘in qisqa vaqt ichida o‘chirilgani xabar qilinmoqda.