11:16 / 02.01.2021
4580
Карантин аҳамиятига эга бўлган зарарли организмлар рўйхати кенгайтирилди

Вазирлар Маҳкамаси ҳузуридаги Ўсимликлар карантини давлат инспекцияси томонидан Қишлоқ ва сув хўжалиги вазирлиги ҳамда Соғлиқни сақлаш вазирлигининг қарори билан тасдиқланган Республикада карантиндаги зараркунандалар, ўсимлик касалликлари ва бегона ўтларнинг рўйхатига ўзгартириш ва қўшимчалар киритилди.

Norma’нинг ёзишича, «Ўсимликлар карантини тўғрисида»ги Қонунга мувофиқ ҳужжат Ўзбекистон Республикаси учун карантин аҳамиятига эга бўлган зарарли организмлар рўйхати деб қайта номланди. 

Рўйхатга қуйидаги гуруҳлар киритилди:
 
Ўзбекистон Республикаси ҳудудида учрамайдиган ўсимликлар карантинидаги зарарли организмлар:

а) зараркунандалар – 88 номдаги;

б) ўсимлик касалликлари:

  • замбуруғ касалликлари – 16 турдаги;
  • нематодалар – 5 турдаги;
  • бактериал касалликлар – 11 турдаги;
  • вирус касалликлари – 24 турдаги;

в) бегона ўтлар – 36 номдаги.
 
Ўзбекистон Республикасининг айрим ҳудудларида тарқалган ўсимликлар карантинидаги зарарли организмлар:

а) зараркунандалар – 7 турдаги;

б) бегона ўтлар – 3 турдаги.
 
Ўсимликлар карантини – қишлоқ хўжалигига ва бошқа ўсимликлар дунёсига зарар етказиши мумкин бўлган ўсимликлар карантини объектлари кириб келишининг, тарқалишининг олдини олишга ҳамда бундай объектларни бартараф этишга қаратилган тадбирлар мажмуи.
 
Ҳужжат 22.12.2020 йилдан кучга кирди.

Top