09:30 / 03.01.2021
5836
Шимолий Корея коронавирусга қарши чораларни кучайтирмоқда
Фото: Reuters

Шимолий Корея ҳукумати қишки мавсум ва дунёда коронавирусга чалиниш ҳолатлари кўпаяётгани сабабли вирус тарқалишига қарши чораларни кучайтиришга қарор қилди.   

Маълум қилинишича, маҳаллий карантин ҳудудларида эпидемиологик талабларга риоя қилинаётгани бўйича текширувлар ўтказилмоқда. Бундан ташқари, мамлакат тиббий муассасаларида аҳолини гигиена масалалари бўйича хабардор қилиш ишлари кучайтирилган.    

22 декабрда Yonhap ахборот агентлиги ЖССТга таянган ҳолда Шимолий Кореяда пандемия бошидан бери бирорта касалланиш ҳолати қайд қилинмаганини маълум қилганди. Мамлакат раҳбарияти бунга чегараларнинг тезкорлик билан ёпилгани ва қатъий карантин чоралари киритилгани эвазига муваффақ бўлинганини таъкидлаб келади.    

Top