16:17 / 28.01.2021
4440
Португалия бош вазири мамлакатда коронавирус билан боғлиқ вазият "даҳшатли" эканлигини айтди

27 январ куни Германия Португалияга ҳарбий шифокорлар гуруҳини жўнатишини маълум қилди.

Фото: REUTERS/Rafael Marchante

Португалия ҳозирда коронавирус пандемиясининг "даҳшатли даври"ни бошидан ўтказмоқда ва вазият ўнгланиши учун бир неча ҳафта керак бўлади, деди мамлакат бош вазири Антониу Кошта TVI каналига берган интервюсида.

"Хаёлга берилмаслик ва биз оғир даврда эмасмиз деб ўйламаслик керак. Биз бу даврни яна бир неча ҳафта бошимиздан кечирамиз", - деди у ва мамлакатдаги вазият шунчаки ёмон эмас, балки "даҳшатли" эканлигини айтди.

 Коштанинг сўзларига кўра, ҳукумат рождество пайтида чекловларни юмшатганлиги сабабли вазият жуда ёмонлашган. Шунингдек, Португалия ҳукумати Британияда аниқланган янги штамм касаллик тарқалишини тезлаштирди деб ҳисобламоқда.

27 январ куни Германия Португалияга ҳарбий шифокорлар гуруҳини жўнатишини маълум қилди.

Охирги маълумотларга кўра, мамлакатда 669 мингга яқин кишида коронавирус аниқланган, 11,3 минг киши вафот этган.

Top