17:03 / 30.01.2021
5230
Машарипов «Ан Наср»га ўтди. У мавсум охиригача БАА клубида ижарада ўйнайди

«Пахтакор» яримҳимоячиси Жалолиддин Машарипов фаолиятини Саудия Арабистони клубида давом эттиради, дея хабар бермоқда клуб расмий сайти.

«Фаолиятини «Пахтакор» ёшлар тизимидан бошлаб, асосий жамоа сафида 4 марта Ўзбекистон чемпиони, 2 марта Ўзбекистон ва бир бор Лига Кубогида зафар қучган яримҳимоячи Жалолиддин Машарипов Саудия Арабистонининг «Ан-Наср» клубига кўчиб ўтди. Жамоалар ўртасида трансфер шартномаси расман имзоланди», - дейилади хабарда.

БААнинг «Шабоб Ал Аҳли» клуби эса Саудиянинг «Ан-Наср» клубидан Жалолиддин Машариповни жорий мавсум якунигача ижарага олганини эълон қилди. Футболчи БААда мавсум якунига етгач, Саудия Арабистони клуби сафига бориб қўшилади.

Маълумот учун, Машарипов айни пайтга қадар «Пахтакор» таркибида Суперлигада 141 ўйинда 24 гол уришга эришганди. Чемпионлар Лигасида 29 беллашувда 4, мамлакат кубокларида 30 баҳсда иштирок этиб, 5та тўп муаллифига айланган.

Top