Qirg‘iziston prezidenti mamlakatda mudofaa vazirligini qayta tiklashga qaror qildi

Qirg‘iziston prezidenti Sadir Japarov respublikada mudofaa vazirligini tashkil etishga qaror qildi. Bu haqda Qirg‘iziston prezidentining matbuot xizmati xabar bermoqda.

"Qirg‘iziston mudofaa ishlari bo‘yicha davlat qo‘mitasi va Qirg‘iziston qurolli kuchlari bosh shtabi negizida mudofaa vazirligini tashkil etish maqsadga muvofiq deb hisoblansin", - deyiladi mamlakat rahbari farmonida.

Xabarda aytilishicha, mudofaa vazirligi tashkil etish to‘g‘risidagi farmon "qurolli kuchlar boshqaruv tizimini yanada rivojlantirish" maqsadida imzolandi. 

Qirg‘iziston mudofaa vazirligi 1993-2015 yillarda faoliyat olib borgan bo‘lib, Almazbek Atamboyev prezidentligi davrida mudofaa ishlari bo‘yicha davlat qo‘mitasiga aylantirilgandi.