Barhayot Meliyev Toshkent viloyati hokimining shaharlar infratuzilmasini rivojlantirish, obodonlashtirish va kommunal xo‘jalik masalalari bo‘yicha o‘rinbosari etib tayinlandi.
Viloyat hokimligi axborot xizmati xabariga ko‘ra, Barhayot Meliyev 1987 yilda Farg‘ona viloyati Qo‘qon shahrida tug‘ilgan. Ma'lumoti oliy, 2010 yilda Toshkent moliya institutini tamomlagan.
B. Meliyev ushbu lavozimga tayinlangunga qadar Toshkent shahar hokimligi Uy-joy kommunal xizmat ko‘rsatish bosh boshqarmasi boshlig‘i birinchi o‘rinbosari lavozimida mehnat qilayotgan edi.