«Ona tergovga kirib ketdi, bolasi menda qoldi...» – militsiyaçi ayol hikoyasi
|15:02 / 08.03.202129 5337 min
Içki işlar organlarida erkaklar qatorida köplab ayol xodimlar ham xizmat qiladi. Ularni har kuni köça-köyda, mahallalarda xizmat vazifasini bajarayotgan holatda köramiz. Bu ayollar tizimdagi erkak xodimlar bilan bir safda turib, el-yurt osoyiştaligini ta'minlaş, jamoat tartibini saqlaş, jinoyatçilikning oldini oliş yölida ter tökmoqda. 8 mart – ayollar bayrami arafasida Andijon viloyat içki işlar boşqarmasi tizimida xizmat qilayotgan xotin-qizlar faoliyatini oz bölsa-da oçib berişga harakat qildik...
Andijon viloyati IIBning xotin-qizlar masalalari böyiça boş inspektori Barnoxon Mirzayeva içki işlar tizimida 10 yildan buyon faoliyat yuritib kelmoqda: «Andijon viloyat içki işlar boşqarmasida men singari yana 70 nafar ayol xizmat qiladi. Kelinglar, men sizlarni özim va ayol xodimlarning iş faoliyati bilan taniştiray», – deb yölga boşladi Barnoxon.
Viloyat içki işlar boşqarmasida 102 qisqa raqamli Call-markaz faoliyati yölga qöyilgan. U yerda fuqarolarning murojaatlari uzluksiz qabul qilinib, tegişliligi böyiça şahar va tuman navbatçilik qismlariga yetkazib beriladi. Şundan keyin mas'ul xodimlar murojaatlar böyiça tezkor iş olib boradi. Call-markaz'da ayol xodimlar işlaydi. «Bugun biz soat 14:30gaça 260ta murojaatni qabul qildik», – deydi Call-markaz operatori Nigina Vaqqosova.
Buni qarangki, patrul-post xizmatida ham bir neça nafar xotin-qizlar xizmat qilarkan. Ulardan biri Maftunaxon Ğulomjonova. Xizmat maşinasidan dadil tuşib kelgan Maftunaxonning kayfiyati a'lo darajada ekani yuz-közidan sezilib turardi: «Men 8 yildan buyon içki işlar tizimida xizmat qilaman, kasbimni juda yaxşi köraman. Vazifamiz jamoat tartibini saqlaş va fuqarolar xavfsizligini ta'minlaşdan iborat», – dedi patrul-post xizmati inspektori Maftunaxon Ğulomjonova.
Şu kuni Andijon şahridagi «Dinamo» stadionida 8 mart – Xalqaro xotin-qizlar kuni munosabati bilan musobaqa taşkil etilgan ekan. Stadionda pistoletni töliqsiz qismlarga ajratiş va yiğiş, granata uloqtiriş va 100 metrga yuguriş böyiça bellaşuvlar bölib ötdi. Söngra içki işlar tizimidagi xotin-qizlar öq otiş maşğulotiga yöl olişdi. U yerda öq otiş borasidagi mahorat sinovdan ötkazildi. «Töğrisi, har gal qölimga qurol olganimda biroz hayajonlanaman», – dedi Barnoxon nişonni möljalga olişdan oldin.
Mavzuga oid
IIB xodimlari ayol bölsa ham, jismoniy tayyorgarligi yaxşi bölişi kerak, çunki har qanday holat bölişi mumkin. Bu borada ularga yakkakuraş turlari bilan şuğullaniş asqatadi.
«Içki işlar tizimida xizmat qilayotgan xodimalarimiz iş bilan bir qatorda sport bilan ham şuğullanişadi. Men karate bilan muntazam şuğullanaman. Maqtanib qöyay, medallarim ham juda köp. Bir neça marta Özbekiston çempioni, xalqaro turnirlar ğolibi bölganman. Ilgari içki işlar tizimida sportning örni juda katta deyişsa, men hayron bölardim. Lekin jinoyatçilik bilan boğliq holatlarda sport kerakligini sezdim.
Şu desangiz, bir kuni uyimizga öğri tuşgan. Öğrini sambo usullarini qöllab zararsizlantirganman. Töğri, bu doim böladigan holat emas, lekin iş jarayonida, aynan öğrilarni uşlaşda sambo usullarini qöllaşga tayyor turiş kerak», – deydi Barnoxon.
Içki işlar tizimidagi ayollar ham tunda navbatçilik asosida mahalla guzarlari va köçalarda jamoat tartibini saqlaşga safarbar qilinadi. Bunda otliq guruh alohida örin tutadi: «Otliq guruhimiz jamoat tartibini saqlaş va xavfsizlikni ta'minlaş maqsadida köçalarda, ommaviy tadbirlarda xizmat olib boradi», – deydi patrul-post xizmati xodimi Muazzamxon Qahhorova.
Barnoxon Mirzayeva iş faoliyati davomida bölgan özgaça bir holatga töxtaldi: «Içki işlar tizimida xizmat qiladigan ayollarni qahri qattiq, jiddiy deb öylaşadi, lekin bunday emas. Biz avvalo ona, ayolmiz. Iş davomida bölib ötgan bir voqeani aytib bermoqçiman. Yoş kelinçak qölida uç oylik farzandi bilan juda oğir jinoyat sodir etdi. Bu jinoyatning tergov jarayonlarida özim ham bevosita iştirok etdim. Ona tergovga kirib ketdi, bolasi menda qoldi, yiğlaydi, qorni oçiqqan axir. Şunda bolani bağrimga bosdim, bor onalik mehrimni berdim, oziqlantirdim. Bola yuzimga qarab kulib, uxlab qoldi.
Ön kunda bola bilan bir-birimizga örganib qoldik. Uning oila a'zolariga bu bola katta bölsa, yana bir onang bor, deb aytib qöyinglar, dedim. Töğrisi, bolani onasi bilan hibsxonaga kuzatayotganda, bergim kelmadi. Uni onasiga topşirayotib, yiğlab yubordim. Hibsxonaga beşikni ham olib tuşganmiz. U ayol hatto beşikka belaşni bilmas ekan. Şunda beşikka belaşni örgatib, bolani yörgaklab, beşikka belab, uxlatib çiqqan kunlarim ham bölgan», – deb eslaydi Barnoxon.
Barnoxon Qörğontepa tumanidan Izboskanga kelin bölib tuşgan. Qaynotasi Komiljon aka va qaynonasi Muhabbatxon aya tört öğilni voyaga yetkazgan. Hozirda tört kelinning barçasi ahil yaşamoqda. 14 nabira esa katta oilaning çinakam quvonçi.
«Men Izboskan tumanining Mardlar mahallasiga kelin bölib tuşganman. Xizmatdan taşqari, kelinlik vazifamni ham uddalaşim kerak. Tört nafar farzandim bor – uç qiz, bir öğil. Turmuş örtoğim ham içki işlar tizimida xizmat qiladi. Har kuni ertalab uydan çiqayotib, qaynota va qaynonamdan, ya'ni ota-onamizdan duo olib işga ketamiz. Oilada tört ovsin birga yaşaymiz. Ular bilan opa-singilday bölib ketganmiz», – deydi Barnoxon non yopişga tayyorgarlik körar ekan.
U non yopiş bilan maşğul bölgan paytda qaynonasini suhbatga tortdik:
«Kelinim yaxşi. Bir-birini yoqtirişgani uçun Qörğontepadan olib berganman. Mana, endi uç qiz, bir öğli bor. Forma kiyib, birgalikda mehr-oqibatli bölib, farzandlarini boqyapti.Öğlim prezidentning qölidan orden olgan. Bunda şu qizning hissasi bor,çunki mening oldimdan çiqib ketib, öşa tomonlarda birga yaşab, bir tan, bir jon bölişyapti.
Biznikiga kelib turişadi. Öğlim dadasiga yordam beradi, kelinim menga non yopişda yordamlaşadi, mantini yaxşi köramiz, manti qilib beradi. Xarakteri öğil bolaça, şaddod, hamma narsaning uddasidan çiqadi, nimani boşlasa, oxiriga yetkazadi.
Mening armonim Hajga boriş. Barça farzandlarni uylab-joyladik, yangi uylar solyapmiz. Endi çolim bilan Hajga borişni orzu qilyapmiz», – deydi qaynonasi Muhabbatxon aya Boymirzayeva.
«Mana, bayram dasturxoniga issiqqina nonlarimiz pişdi. Men dunyodagi barça ayollarni, qolaversa, huquqni muhofaza qiluvçi idoralarda xizmat qilayotgan opa-singillarimizni bayram bilan tabriklayman», – deydi qahramonimiz.
