16:18 / 21.03.2021
632
Хоразмда ижтимоий ҳимояга муҳтож одамларга 100 минг сўмдан тарқатилди

Наврўз байрами муносабати билан Хоразм вилоятининг ижтимоий ҳимояга муҳтож аҳолиси моддий тарафдан қўллаб-қувватланди.

Шаҳар ва туман ҳокимликлари томонидан ижтимоий ҳимояга муҳтож, ўта муҳтож ва камбағал оилаларга, «темир дафтар», «ёшлар дафтари», «аёллар дафтари»га киритилган фуқароларга 100 минг сўм миқдорида бир марталик моддий ёрдам кўрсатилди.

Жумладан, Урганч шаҳрида шу тоифадаги аҳолига 209,5 млн сўм, Урганч туманида 204,4 млн сўм, Янгибозор туманида 128 млн сўм, Гурлан туманида 102 млн сўм, Тупроққалъа туманида 63,4 млн сўм тарқатилди.

Шунингдек, имконияти чекланган, ногиронлиги бор, бемор кишиларга озиқ-овқат маҳсулотлари етказилди.

Top