Жорий йилнинг 23 март куни соат 11:30ларда, Андижон вилояти, Андижон шаҳар, Янги Ўш кўчасида жойлашган "Роҳат автосервис" биноси қаршисида йўл-транспорт ҳодисаси содир бўлди.

ИИВ ЙҲХББ ахборот хизмати хабарига кўра, 1978 йилда туғилган ҳайдовчи бошқарувидаги "Ласетти", 1989 йилда туғилган ҳайдовчи бошқарувидаги "Ласетти", 1990 йилда туғилган ҳайдовчи бошқарувидаги "Лабо" ва 1994 йилда туғилган ҳайдовчи бошқарувидаги "Ласетти" автомобиллари иштирокида тўқнашув юз берган.

ЙТҲ натижасида, "Лабо" русумли автомобиль ҳайдовчисига биринчи тез тиббий ёрдам кўрсатилган.

Мазкур ЙТҲ юзасидан Андижон шаҳар ИИО ФМБ ЙҲХБ томонидан суриштирув ишлари олиб борилиб, тўқнашув юзага келиш сабабларига аниқлик киритилмоқда.